Humb jetën duke pastuar tubin e ujërave të shiut 59 vjeçari

Një 59 vjeçar është gjetur i pajetë në banesën e tij në fshatin Dardhë të Librazhdit. Nga hetimet e para mësohet se shtetasi R.Q ka humbur jetën nga pakujdesia pasi e ka zënë korrenti.
Njoftimi i policisë
Më datë 12.12.2021, rreth orës 10:30, në fshatin Dardhë, Librazhd, pranë banesës së tij, është gjetur i pa jetë e pa shenja dhune, shtetasi R. Q., rreth 59 vjeç.

Nga të dhënat e para, dyshohet se ky shtetas ka ndërruar jetë si pasojë e pakujdesisë, pasi duke pastruar tubin e mbledhjes së ujrave të shiut nga çatia e shtëpisë, shufra metalike që përdorte për të zhbllokuar tubin ka rënë në kontakt me telat elektrik që furnizonte banesen e tij me energji elektrike dhe për pasojë e ka zënë korenti.

Grupi hetimor po punon për zbardhjen e rrethanave të ngjarjes.