Zhbllokohet ngërçi i votimit elektronik, Celibashi urdhëron regjistrimin manual aty ku ka probleme

Celibashi ka zhbllokuar problematikën duke urdhëruar se në rast se në qendrat e tyre nuk funksionon kjo pajisje të vijohet me identifikimin e votuesve në mënyrë manuale.

Ndërsa shumë qendra votimi kanë hasur në vështirësi për shkak të problemeve me pajisjen që mundëson identifikimin elektronik të zgjedhësve, vjen vendimi I KQZ që zhbllokon procesin dhe lejon vijimin normal të tij.

KQZ vendosi pak caste me parë që në qendrat ku hasen vështirësi me pajisjen, identifikimi I zgjedhesve do të kryhet manualisht me listën e printuar.