Vendimi/ A do hapet Pika kufitare e Kapshticës? Vjen njoftimi i radhës nga qeveria greke

Greqia ka ndërmarrë një vendim të fundit lidhur me hapjen e pikës kufitare të Kapshticës. Ndonëse ishte planifikuar që Kapshtica të qëndronte e mbyllur deri më 4 dhjetor, autoritetet greke kanë vendosur hapjen e saj më 14 dhjetor.

“Autoritetet e Policisë Greke, në vijim të masave të marra nga qeveria greke mbi përballimin e situatës së krijuar për shkak të pandemisë COVID-19, kanë njoftuar shtyrjen e afatit të bllokimit të Pikës së Kalimit Kufitar Kapshticë, deri në datën 14.12.2020.

Sqarojmë se deri në këtë datë, nuk do të lejohet lëvizja e këmbësorëve dhe e mjeteve (vetura, autobusë dhe kamionë) si në hyrje dhe në dalje të Greqisë.

Policia Kufitare e Kapshticës, iu bën thirrje të gjithë qytetarëve që duan të udhëtojnë drejt Greqisë, që gjatë këtij harku kohor, të shmangin udhëtimin drejt kësaj pike kalimi dhe të orientohen në drejtim të Pikës së Kalimit Kufitar Kakavijë, në të cilën lëvizja vijon normalisht”, thuhet në njoftim.