ElbasaniPlus Lajmet më të fundit nga Elbasani dhe jo vetëm.
Një tërmet i fuqishëm me magnitudë 6.1 të shkallës Rihter goditi herët mëngjesin e së mërkurës ishullin e Kretës, sipas Institutit Gjeodinamik të Observatorit Kombëtar të Athinës.
Deri më tani nuk raportohet për të lënduar apo dëme të konsiderueshme materiale.
Tërmeti u regjistrua në një thellësi prej 64.4 kilometrash, rreth 19 kilometra në jug të ishullit Kasos.
Autoritetet greke lëshuan një paralajmërim paraprak për cunami përmes sistemit të alarmit emergjent 112, duke u bërë thirrje banorëve të largohen nga zonat bregdetare.
Lëkundjet u ndjenë edhe përtej kufijve të Greqisë, përfshirë Turqinë jugperëndimore, Izraelin dhe pjesë të Egjiptit.
Greqia ndodhet në një zonë me aktivitet të lartë sizmik dhe përjeton shpesh tërmete.
