Rrugorja bën “kërdinë”, prek dhe makinat luksoze/ 27 të arrestuar, qindra leje të pezulluara

Gjatë javës së kaluar janë kapur dhe arrestuar nga shërbimet e Policisë Rrugore, për drejtim mjeti në gjendje të dehur apo pa leje drejtimi, për mitëdhënie, falsifikim dokumentesh dhe shkelje të masës së sigurisë “Arrest në shtëpi”, 27 shtetas.

Gjithashtu janë pezulluar 115 leje drejtimi, për drejtim mjeti nën efektin e alkoolit, për shpejtësi tej normave të lejuara dhe qarkullim në sens të kundërt si dhe janë vendosur 6932 masa administrative, me një mesatare 990 masa në ditë.

Policia njofton se janë bllokuar 10 mjete luksi, për mungesë dokumentacioni dhe me targa të huaja, të cilat i kanë kaluar për verifikime të mëtejshme Seksionit Kundër Trafiqeve të Paligjshme në DVP Tiranë si dhe janë tërhequr 32 leje qarkullimi, për detyrime të papaguara, si dhe janë hequr 12 palë targa të skaduara.

Masat

73 masa për drejtim mjeti nën ndikimin e pijeve alkoolike;

128 masa për mosrregullim të shpejtësisë/gara shpejtësie;

115 për xhama të zinj;

325 masa për parakalime të gabuara;

1037 masa për përdorim të aparatit të celularit gjatë drejtimit të mjetit;

559 masa për mosvendosjen e rripit të sigurimit;

116 masa për mosvendosjen e kaskës mbrojtëse;

93 masa administrative për mungesë siguracioni; 3188 masa administrative për qëndrim/pushim të gabuar të mjetit;

298 për shkelje të ndryshme./CNA.al