Kishte shkuar për pushime në Vlorë, gruaja ndërron jetë duke qëndruar buzë detit

Një grua nga Tirana ka ndërruar jetë mesditën e kësaj të shtunë në Vlorë, pasi ka pësuar infarkt teksa qëndronte buzë detit. 54 vjeçarja me inicialet I.Y ka qenë duke pushuar në zonën e Ujit të Ftohtë, por këto pushime janë kthyer në tŗagjedi për të.

Ajo nuk është ndjerë mirë dhe ka pësuar infarkt. Në këto kushte është dërguar me urgjencë në spital dhe aty është konfirmuar se ajo ka ndërruar jetë. Grupi hetimor po punon për zbardhjen e plotë të rrethanave të ngjarjes. “Sot, rreth orës 12:20, në lagjen “Uji i Ftohtë”, shtetasja I. Y., 54 vjeçe, banuese në Tiranë.

Duke qëndruar në breg të detit, dyshohet se i ka rënë infarkt dhe si pasojë ka ndërruar jetë në spitalin e Vlorës”, njofton Policia për rastin.

Janë shtuar shumë rastet që pushuesit këtë verë po humbin jetë për shkak të infarktit, i cili nuk bën përjashtim as te moshat e reja.