ElbasaniPlus Lajmet më të fundit nga Elbasani dhe jo vetëm.
Legjenda italiane, Gianluca Vialli ka ndërruar jetë në moshën 58 vjeçare.
Ish-futbollisti italian kishte shkuar në Londër për një tretman pasi ishte prekur nga kanceri në mëlçi që nga viti 2017.
Por, ish-përfaqësuesi italian nuk ia doli dot përkundër kujdesit nga stafi mjekësor dhe kemioterapive, shkruan “Gazeta Express”.
Ai dha dorëheqje javë më parë nga pozita e tij në Kombëtaren italiane, ku ishte asistent i selektorit Roberto Mancini, për shkak të problemeve shëndetësore.
Vialli e kishte nisur karrierën në Cremonese, në qytetin e tij para se ta vazhdonte karrierën në Serie A me Sampdorian de Juventusin, ndërsa kishte përfunduar duke luajtur në Chelsea, ku më pas edhe e kishte drejtuar këtë ekip si trajner.
Ai i kishte realizuar 16 gola në 59 ndeshje me Kombëtaren e Italisë, me të cilën kishte luajtur në Botërorët 1986 e 1990. /Gazeta Express/
