ElbasaniPlus Lajmet më të fundit nga Elbasani dhe jo vetëm.
Punimet në Korridorin VIII, një projekt strategjik që lidh Shqipërinë me rajonin dhe më gjerë, po ecin me ritme të shpejta. Segmenti Elbasan – Lekaj, me një gjatësi prej 17.93 kilometrash, përbën një pjesë kyçe të këtij korridori që pritet të lehtësojë ndjeshëm lëvizjen e mjeteve dhe të rrisë lidhjet tregtare.
Krahas ndërtimit të rrugës, projekti përfshin edhe mbrojtjen lumore përgjatë aksit, një element thelbësor për garantimin e sigurisë rrugore, veçanërisht në stinët me reshje të shumta. Investimi në mbrojtjet lumore do të minimizojë rrezikun e përmbytjeve dhe rrëshqitjeve të dherave, duke e bërë qarkullimin më të sigurt dhe të qëndrueshëm.
Korridori VIII konsiderohet një nga arteriet më të rëndësishme të transportit në vend dhe në rajon, duke i dhënë një hov të ri zhvillimit ekonomik, turizmit dhe lidhjes së Shqipërisë me tregjet ndërkombëtare.
“Punimet në Korridorin VIII 🚧, një nga veprat më të rëndësishme të infrastrukturës në vend, puna nuk ndalet për asnjë moment në të 6 lotet e aksit Elbasan-Lekaj 🛣️ me një gjatësi prej 17.93 km. Mbrojtja lumore 🌊 përgjatë gjithë këtij aksi, vlerë e shtuar për sigurinë e rrugës 🚗 dhe mbrojtjen e mjedisit”- shkruan kryetari i bashkisë. Gledian Llatja.
