Tragjike! Autobusi me pasagjerë nga Maqedonia e Veriut shpërthen në flakë, 45 të vdekur

Një ngjarje tragjike ka ndodhur në Bullgari. Të paktën 45 persona kanë humbur jeten pasi një autobus u përplas dhe pastaj u përfshi nga flakët.

Lajmin e bënë të ditur autoritetet lokale. Ngjarja e rëndë ndodhi rreth orës 02:00 sipas orës lokale, në një autostradë pranë fshatit Bosnek në perëndim të Bullgarisë. “Mes viktimave ka edhe fëmijë”- tha ministri Nikolai Nikolov për televizionin shtetëror bullgar.

Aktualisht vazhdojnë hetimet për zbulimin e shkaqeve të aksidentit dhe shpërthimit në flakë të autobusit. Mësohet se 7 persona janë dërguar në spital.

Ndërsa, Ministri i Jashtëm i Maqedonisë së Veriut, Bujar Osmani tha se autobusi po kthehej për në Shkup pas një udhëtimi në nga Stambolli. Raportohet se autobusi kishte targa të Maqedonisë së Veriut, shkruan BBC.

Në një postim në Twitter, Xhaçka shpreh ngushëllimet më të sinqerta për familjarët e viktimave dhe shkruan se Shqipëria ndodhet pranë Maqedonisë së Veriut në këtë moment të vështirë.

“Dhimbje e madh për 45 jetët e humbura të shqiptarëve nga Maqedonia e Veriut ?? gjatë aksidentit tragjik në Bullgari. Ngushëllimet më të sinqerta familjeve të viktimave dhe shërim të shpejtë të plagosurve. Shqipëria ?? është pranë Maqedonisë së Veriut dhe popullit të saj ?? në këtë moment të vështirë!”- shkruan Xhaçka.