“Ti që nuk lodhesh kurrë, ti që gjithmonë…”, Xhensila Myrtezaj bën dedikimin e bukur për ditëlindjen e Besit

Bes Kallaku feston sot 35-vjetorin e lindjes dhe sigurisht që urimi i Xhensilës qëndron “on top”. Ajo ka ndarë në rrjete sociale disa nga kujtimet më të bukura që ka ndër vite me bashkëshortin e saj dhe i ka dedikuar fjalët më romantike. Në të gjithë fotot që ajo ka publikuar ata shihen të dashuruar njësoj si ditën e parë me njëri-tjetrin.

“Momentet më të lumtura në jetë i kam kaluar me ty dhe prej teje! Sot ti feston 35-vjetorin, por shpirti yt vazhdon të jetë 3.5 vjeç. Ti që nuk lodhesh kurrë, ti që gjithmonë bën më shumë dhe për veten mendon në fund. Sytë më me dritë që kam parë. Kraharori i paqes, aty ku mbështetem pa frikë. Do të më mungoje edhe nëse nuk do të takoja kurrë”, shkruan Xhensila përkrah fotove me Besin.

Dyshja e njohur prej 3 vitesh kanë kurorëzuar dashurinë me martesë dhe dasma e tyre do të mbahet gjithmonë mend si një nga më të bukurat të showbizit. Ndërkohë ata janë bekuar edhe me një vajzë, të cilën e kanë pagëzuar me emrin, Ajka.