ElbasaniPlus Lajmet më të fundit nga Elbasani dhe jo vetëm.
Organizata Botërore e Meteorologjisë paralajmëron se brenda 5 viteve të ardhshme, temperaturat globale do të thyejnë rekorde të tjera nxehtësie.
Sipas një raporti të OBM, ka 80% shanse që ky fenomen të ndodhë, duke rritur kështu ndjeshëm rrezikun për përmbytje ekstreme, thatësira dhe zjarre në pyje.
Për herë të parë, shkencëtarët shprehen se ekziston një gjasë, sado e vogël, që para vitit 2030, bota të përjetojë një vit me temperatura 2°C më të larta se niveli paraindustrial. Ky skenar, që dikur konsiderohej i pamundur, tani cilësohet si “shqetësues dhe tronditës”.
Raporti thekson gjithashtu se ka 70% gjasa që temperatura mesatare globale për periudhën 2025–2029 të kalojë 1.5°C mbi nivelin paraindustrial; ka 86% gjasa që kjo shifër të tejkalohet të paktën një herë gjatë pesë viteve të ardhshme.
Viti 2024 ka qenë më i nxehti në historinë e matjeve klimatike prej 175 vitesh, dhe pritet të jetë 1 nga 3 vitet më të nxehtë të regjistruar.
“Pamja që shfaq ky raport është alarmante, por nuk është e pashpresë”, tha Chris Hewitt, drejtor i shërbimeve klimatike në OBM.
“Ne duhet të marrim masa urgjente për të reduktuar emetimet nga karburantet fosile. Rritja prej 1.5°C nuk është e pashmangshme”.
Raporti i Organizatës Botërore të Meteorologjisë është një këmbanë alarmi që qeveritë të veprojnë dhe të marrin masa.
/tvklan.al
