ElbasaniPlus Lajmet më të fundit nga Elbasani dhe jo vetëm.
I ndodhur mes Elbasanit dhe Tiranës, fshati turistik i Funarit vijon të jetë një nga atraksionet më të vizituara sidomos gjatë verës. Edhe këtë sezon, numri i turistëve ka qenë i lartë.
Investimi në Infrastrukturë rrugore ka bërë që kjo zonë të frekuentohet masivisht, pasi ndodhet vetëm 20 kilometra larg Elbasanit.
Të apasionuarit pas natyrës, freskisë dhe ajrit të pastër i gjen këtu, mes ujit të ftohtë dhe gjelbërimit.
I pasur me pyje të shumëllojshme, me liqene të pastër dhe një natyrë thuajse të pashfrytëzuar, Funari është një nga bukuritë më të rralla të Bashkisë Elbasan.
/vizionplus.tv
