Ra në kontakt me rrymën elektrike teksa bënte dush, humb jetën 32-vjeçarja

Një 32 vjeçare në Cërrik ka humur jetën mbrëmjen e kësaj të shtune. Ngjarja ka ndodhur rreth orës 20:40, në lagjen nr. 1 në Cërrik.

Gruaja ka qenë duke bërë dush dhe dyshohet se ka rënë në kontakt me rrymën elektrike, si pasojë ajo ka humbur jetën.

‘Rreth orës 20:40, në lagjen nr. 1, në banesë, shtetasja I. M., 32 vjeçe, banuese në Cerrik, gjatë kohës që ka qenë duke u larë në dush, dyshohet se ka rënë në kontakt me rrymën elektrike dhe për pasojë ka humbur jetën.

Grupi hetimor ndodhet në vendngjarje dhe po punon për sqarimin e plotë të rrethanave të ngjarjes”,-thuhet në njoftimin e policisë.