ElbasaniPlus Lajmet më të fundit nga Elbasani dhe jo vetëm.
Ministri përgjegjës për administrimin e situatës ekonomike shkaktuar nga koronavirusi, Arben Ahmetaj, ka treguar këtë të enjte në “Opinion”, listën e bizneseve që mund të hapen që prej datës 27 Prill. Ai tha se, bëhet fjalë për dyqane të specializuara, ndërsa sqaroi se, nuk do të hapen dyqanet e specializuara brenda qendrave tregtare, pasi këto të fundit do të vijojnë të jenë të mbyllura.
“Lista e aktiviteteve që do të hapen janë shitjet e tjera me pakicë në dyqane jo të specializuara, shitja me pakicë e mallrave të tjera të reja në dyqane të specializuara tregtia me pakicë në dyqane të specializuara, aktiviteti i taksive, tregtia me pakicë e tekstileve në dyqane të specializuara.
Do të hapen tregtia me pakicë e këpucëve dhe artikujve prej lëkure në dyqane të specializuara, shitje me pakicë e mallrave të tjera të reja aktivitete të tjera tregtare, tregtia me pakicë e mobilieve, pajisjeve të ndriçimit dhe artikujve shtëpiakë në dyqane të specializuara, tregtia me pakicë e luleve, bimëve farërave, plehëruesve, kafshëve në dyqane të specializuara.
Gjithashtu, tregtia me pakicë e orëve dhe bizhuterive në dyqane të specializuara, tregtia me pakicë e pajisjeve audio dhe video në dyqane të specializuara, regjistrimi i zërit dhe aktivitetit të publikimit të muzikës, tregtia me pakicë e qilimave, tregtia me pakicë e lojërave dhe lodrave në dyqane të specializuara, tregtia me pakicë e regjistruesve muzikorë dhe videove në dyqane të specializuara. Tregtia e pajisjeve sportive në dyqane të specializuara, shitja me pakicë e sistemeve të sigurisë, pajisjeve të telekomunikacionit në dyqane të specializuara”, tha Ahmetaj.
