ElbasaniPlus Lajmet më të fundit nga Elbasani dhe jo vetëm.
Në ambientet e Institucionit të Prefektit u zhvillua një takim pune me përfaqësues të Inspektoratit Shtetëror të Mbikëqyrjes së Tregut (ISHMT), me fokus kryesor procesin e regjistrimit të ashensorëve, në përputhje me kuadrin ligjor në fuqi.
Qëllimi i këtij takimi ishte rritja e ndërgjegjësimit dhe forcimi i zbatimit të standardeve të sigurisë për pajisjet ngritëse që janë aktualisht në përdorim. Gjatë diskutimeve u trajtuan çështje të rëndësishme si procedurat e regjistrimit, përgjegjësitë e subjekteve private, sfidat që hasen në terren, si dhe rëndësia e bashkëpunimit ndërinstitucional për të garantuar sigurinë e jetës së qytetarëve.
Takimi u vlerësua si një hap pozitiv drejt forcimit të mekanizmave të kontrollit dhe inspektimit, me qëllim rritjen e besueshmërisë dhe sigurisë në përdorimin e ashensorëve në ndërtesat publike dhe private.
