Pikantet e Elbasani-Laçi/ Humbja në shtëpi, tifozët kapen me portierin Abalora në fund

Për të ndjekur nga afër nxehmjen e Elbasanit pat zbritur në pankinë edhe sulmuesi Arsen Lleshi, i cili u dëmtua në ndeshjen me Dinamon. Të gjithë shokët e skuadrës, gjatë kohës që u futën në dhomat e zhveshjes shkuan edhe e përqafuan njëri pas tjetrit.

– Gjatë kohës që Laçi po kryente nxehmjen, një person i tërheq vëmendjen nga tribuna trajnerit Moriero dhe shkon të bisedojë për pak çaste me të.

– Moriero lë pankinën e tij para startit të sfidës dhe shkon të takojë kolegun e Elbasanit, Gvozdenoviç.

– Ibrahim ankohet tek arbitri që në minutën e parë, për një faull që ka pretenduar në dëm të tij, por që nuk është akorduar nga kryesori.

– Gjatë pushimit lojtarët e stolit po bënin nxemjen dhe menjëherë tifozët e Elbasanit nisën të thërrisnin emrin e Lajthisë. Ky i fundit ia kthen me një përshëndetje me dorë.

– Melo rrëzohet në fushë, ndërsa Abalora lë portën dhe shkon në mesin e fushës për ta nxjerrë jashtë. Ka acarim mes tyre, ndërhyn arbitri.

– Në fund skuadra e Elbasanit shkon tek tifozët, por shumë shpejt portieri Abalora largohet nga aty, ndërsa pjesa tjetër qëndron. Mesa duket, portieri ka shkëmbyer disa fjalë me këta të fundit dhe është larguar.

PANORAMASPORT.AL