“Përmban mbetje nga hiri i oxhaqeve metalurgjike”, anija me 2100 ton mbetje toksike mbërrin në Durrës

Një ngarkesë prej 2100 tonësh mbetje industriale, që dyshohet se përmban lëndë të rrezikshme, mbërriti në portin e Durrësit sot rreth orës 07:30. Mbetjet, të cilat besohet se përfshijnë hiri nga oxhaqet metalurgjike, ishin nisur nga Shqipëria në korrik me destinacion Tajlandën, e cila e refuzoi atë pas një alarmi nga organizata joqeveritare ‘Rrjeti i Aksionit të Bazelit’.

Pas tre muajsh lundrimi, kontejnerët u rikthyen në Durrës, ndërsa anija ‘Moliva’ po pret në radën e jashtme. Autoritetet shqiptare janë në hetim dhe pritet të përcaktojnë procedurat e nevojshme për trajtimin e kësaj ngarkese.

Pluhuri i dyshuar, i njohur me siglën EAF, përmban metale të rrezikshme si plumbi dhe kromi, që shkaktojnë kancer. Ngarkesa ishte blerë nga kompania shqiptare “Sokolaj” nga Kurum, prodhuese e çelikut në Elbasan.

Partia Demokratike zhvilloi një protestë pranë portit të Durrësit, duke akuzuar qeverinë për mungesë transparence dhe manipulim të informacionit lidhur me këto mbetje. Situata kërkon veprime të menjëhershme për të mbrojtur shëndetin publik dhe mjedisin.