Për dekada shërbeu me përkushtim dhe profesionalizëm edhe në Elbasan. Humb jetën nga COVID 19 kirurgu.

Ditën e sotme ministria e Shëndetësisë njoftoi humbjen e jesës për shkak të Covid 19 të kirurgut të njohur Dr. Agron Menzelxhiu.  Model frymëzues i mjekut të palodhur dhe humanistit e quan presidenti Ilir Meta kirurgun Dr.Agron Menzelxhiu, i cili humbi betejën me COVID-in. Kreu i shteti i ka shprehur ngushëllimet familjarëve, teksa e quan një humbje të madhe për mjekësinë ndarjen nga jeta të kirurgut.

“Ndarja nga jeta e kirurgut të nderuar, Dr.Agron Menzelxhiu , i cili për dekada shërbeu me përkushtim dhe profesionalizëm në Elbasan dhe Tiranë, është një tjetër humbje për mjekësinë shqiptare. Përherë do kujtohet me respekt si model frymëzues i mjekut të palodhur dhe humanistit, gjithmonë në shërbim të mbrojtjes së shëndetit dhe jetës së çdo qytetari në nevojë. Ishte kënaqësi ta njihja nga afër. Familjes Menzelxhiu, të afërmve, miqve dhe komunitetit të mjekëve ju shpreh ngushëllimet më të sinqerta”, shkruan Meta.

Ndërsa kolegu dhe kushëriri i tij mjeku Petrit Vargu ka shkruar: “Agron Menzelxhiu djali tezes sime!Si na le!Doktori i palodhur qe sja kurseve ndihmën askujt!Si mund të ikësh kështu nga covidi vetëm sepse u shtrove në spital për një pathollogji banale!Mjeku njeriu mirë që luftove gjithmonë për jetën e njerëzve!Lamtumire babaxhan i mire qe te miren ja doje te gjitheve!Askush nuk mund te tjetersoj,ti do te mbetesh gjithmone ai,ai qe te njef i gjithë populli!Te qoftë dheu i lehtë,o banor i ri i xhenetit!”, shkruan mjeku Vargu.