ElbasaniPlus Lajmet më të fundit nga Elbasani dhe jo vetëm.
Bashkia Elbasan ka nisur zyrtarisht punën për projektin BID – Kalaja e Elbasanit, një nismë e rëndësishme që do të sjellë zhvillim dhe transformim në një nga zonat më të vjetra dhe më të çmuara të qytetit.
Projekti realizohet me mbështetjen e Fondacionit Shqiptaro–Amerikan për Zhvillim (AADF) dhe me ekspertizën e studios prestigjioze MVM Architecture, duke garantuar një koncept modern, të ndërthurur ngushtë me historinë dhe trashëgiminë e qytetit.
Kryetari i Bashkisë Elbasan, Gledian Llatja, u shpreh se ky investim do të kthejë kalanë në një vlerë të shtuar kulturore dhe turistike, duke e bërë atë një destinacion më tërheqës si për qytetarët, ashtu edhe për vizitorët.
Ky projekt është pjesë e vizionit të Bashkisë për të forcuar identitetin historik të Elbasanit dhe për ta promovuar atë si një qendër të rëndësishme kulturore dhe turistike në Shqipëri.
