ElbasaniPlus Lajmet më të fundit nga Elbasani dhe jo vetëm.
Qeveria ka emëruar Ilir Bejtjan në krye të Prefekturës së Qarkut të Elbasanit, pas dorëheqjes së Ali Mysliut. Vendimi është miratuar nga Këshilli i Ministrave dhe hyn menjëherë në fuqi.
Ali Mysliu, i cili mbante këtë detyrë që nga 27 qershori i vitit të kaluar, ka dhënë dorëheqjen pak kohë më parë, megjithëse arsyet e largimit të tij nuk janë bërë publike.
Ilir Bejtja, që merr tani drejtimin e qarkut, ka një përvojë të gjatë në administratën publike dhe politikë. Ai ka shërbyer si zëvendësministër i Energjisë dhe Industrisë dhe ka qenë deputet i Parlamentit të Shqipërisë për Qarkun e Elbasanit gjatë viteve 2009-2013.
Vendimi i Këshillit të Ministrave do të publikohet në “Fletoren Zyrtare” dhe do të zbatohet menjëherë.
