Mbylli sytë përgjithmonë në aksidentin tragjik, shënohen pesë vite nga vdekja e Ergi Dinit

Sot shënohen pesë vite nga vdekja e këngëtarit shkodran, Ergi Dini, i cili humbi jetën më 21 nëntor të vitit 2016 në një aksident me motor. Gjithashtu, bashkë me këngëtarin humbi jetën edhe miku i tij, Kejdi Halili, 21-vjeç, i cili drejtonte motorin.

Ergi la pas këngë shumë të dashura për publikun shqiptar, si “Pa frymë”, “Asnji gram”, “Morphine” etj që dëgjohen ende.

Nëse do të ishte gjallë, Ergi do të ishte një 27-vjeçar dhe me një karrierë të suksesshme, pasi e bëri të gjithë publikun për vete me zërin dhe stilin e tij të veçantë.