Kriminaliteti në Shqipëri, raporti: Më shumë vrasje në Elbasan, Tiranë dhe…

Qytetet me numrin më të lartë të krimeve janë Shkodra, Lezha, Tirana dhe Elbasani. Të dhënat kanë dalë nga raporti i Prokurorit të Përgjithshëm Olsian Çela që është dorëzuar në kuvend.

Gjatë 2022 Prokuroria e Përgjithshme thekson se ka rritje të denoncimeve dhe procedimeve të regjistruara për gjobëvënie dhe heqje të paligjshme të lirisë  në 116 raste, dhe në 41 raste të pengmarrjes.

Për një vit janë Shqipëri janë regjistruar 318 krime kundër jetës të kryera me dashje, ku numrin më të lartë prej 222 rastesh janë ato të kanosjes. Megjithatë drejtësia ka qenë efektive vetëm në një rast për të goditur krimin e organizuar

Kriminaliteti më i lartë në raport me numrin e popullsisë konsiderohet në qytetet e Gjirokastrës, për tu pasuar nga Elbasani, Tirana dhe Vlora. Qyteti me kriminalitet më të ulët llogaritet Berati që kësaj radhe ja ka kaluar Përmetit

Sa i takon korrupsionit drejtësia shqiptare ishte efektive në 213 raste për të goditur ata që stimuluan korrupsionin dhe që janë qytetarët,  të cilët tentuan të korruptojnë një punonjës të shtetit kryesisht policët rrugore dhe që u denoncuan nga efektivët. Raporti vjetor publikon vetëm një shembull, kur në korrupsion dyshohet se u përfshi një funksionar i lartë.

Sa i takon rendit dhe sigurisë, qytetarët vetë u prekën nga vjedhja e pasurisë në  6624 raste të denoncuara prej tyre

Në raport jepet alarmi për përdorimin e lëndës plasëse dhe të eksplozivëve në 39 raste për të shkatërruar pronën në 39 raste. Si shqetësim i përvitshëm theksohet  krimi në familje me 14 vrasje të tilla

Raporti përmend se ky problem buron nga dhuna e vazhdueshme në familje që 97 përqind të rasteve llogarit si viktima gratë dhe në 64 përqind dhunues janë burrat me statusin sipas raportit të papunë./dita