Ylli i Liverpoolit, Mohamed Salah, përveçse një futbollist i shkëlqyer, është edhe një mulsiman i devotshwm. Së fundmi, sulmuesi egjiptian ka ndihmuar në luftimin e koronavirusit në shtetin e tij duke dhuruar bombola oksigjeni në një spital lokal. Përmes Shoqatës së Bamirësisë Nagrig, Salah ndihmoi pacientët duke blerë mjete që ata të lùftonin me COVID-19 në Afrikën Veriore.
![](https://i0.wp.com/www.elbasaniplus.com/wp-content/uploads/2021/01/salah2.jpg?resize=618%2C367&ssl=1)
Drejtori i kësaj shoqate, Hassan Bakr, konfirmoi në një radio lokale se Salah kishte mbështetur mjekët dhe kishte dhuruar bombola oksigjeni për të ndihmuar pacientët. E gjitha kjo erdhi pasi para pak ditësh pati një mungesë oksigjeni dhe thuhet se çoi në disa humbje jete në Spitalin Qendror Basyoun, kështu që Salah vendosi të veprojë.
![](https://i1.wp.com/www.elbasaniplus.com/wp-content/uploads/2021/01/salah3.jpg?fit=618%2C347&ssl=1)
Kujtomë që sulmuesi i Liverpoolit gjithashtu ka siguruar më parë fonde për banorët në qytetin e tij të lindjes, Nagrig, për të instaluar një stacion të ambulancës dhe për të blerë pajisje për sportin në një shkollë. Në prill të vitit të kaluar, ylli i Reds thuhet gjithashtu se dha mijëra tonë ushqime për të ndihmuar familjet e prekura nga pandemia.
![](https://i0.wp.com/elbasaniplus.com/wp-content/uploads/2021/01/salah1.jpeg?resize=618%2C371&ssl=1)