Forumi i Turizmit të Unionit të Gazetarëve Shqiptarë në Sarandë, thirrje për më shumë promovim dhe investime në perlat e jugut

I fshehur mes shkëmbinjve të Rivierës Shqiptare dhe përballë kaltërsisë së Detit Jon, qyteti bregdetar i Sarandës vijon të mbetet një nga destinacionet më të kërkuara turistike në vend. Me plazhe të kristalta, trashëgimi të pasur historike dhe një jetë të gjallë kulturore, Saranda ishte në qendër të një Forumi te posaçëm u inicua nga Unioni Gazetarëve Shqiptarë dhe ju kushtua zhvillimit të industrisë së turizmit në këtë bashki .Ky Forum u zhvillua me pjesëmarrjen e gazetarëve nga të gjitha trojet shqiptare.

Çipa: Të bëhet më shumë për promovimin e perlave turistike
Në hapje të Forumit, gazetari i njohur Aleksandër Çipa, në cilësinë e kreut të Unioni i Gazetarëve Shqiptarë, paraqiti një panoramë të detajuar të destinacioneve turistike të Sarandës, duke theksuar potencialin e jashtëzakonshëm që ka kjo bashki.Ai kërkoi angazhim më të madh institucional për promovimin e qëndrueshëm të perlave turistike, duke nënvizuar se Saranda nuk duhet parë vetëm si destinacion sezonal, por si një qendër me turizëm gjithëvjetor, ku historia, natyra dhe kultura bashkëjetojnë në harmoni.

Gazetarët kritikë për infrastrukturën

Gjatë diskutimeve, shumë gazetarë u shprehën kritikë ndaj pushtetit vendor dhe atij qendror për zhvillimet e fundit infrastrukturore në bregdetin e Sarandës. Ata ngritën shqetësime për menaxhimin urban, ngarkesën sezonale, nevojën për investime më cilësore në rrugë, ujësjellës, hapësira publike dhe mbrojtjen e mjedisit.

Sipas tyre, rritja e fluksit turistik duhet të shoqërohet me standarde më të larta shërbimi dhe planifikim afatgjatë, në mënyrë që Saranda të ruajë identitetin dhe bukurinë natyrore që e bën unike.

10 përvojat që e bëjnë Sarandën një parajsë turistike

Forumi riktheu në vëmendje edhe destinacionet kryesore që e pozicionojnë Sarandën në hartën ndërkombëtare të turizmit:

1. Butrinti ,Parku arkeologjik i mbrojtur nga UNESCO, me rrënoja greke, romake, bizantine e veneciane që dëshmojnë qytetërime mijëravjeçare.

2. Ksamili ,Plazhe me rërë të bardhë dhe ujëra blu-turkoz, shpesh të krahasuara me destinacionet më të bukura mesdhetare.

3. Manastiri i 40 Shenjtorëve ,një pikë panoramike me vlera historike dhe shpirtërore.

4. Kalaja e Lëkurësit ,ofron pamje mahnitëse mbi qytet dhe Detin Jon.

5. Shëtitorja bregdetare e Sarandës ,një hapësirë e gjallë me palma, restorante dhe atmosferë mesdhetare.

6. Syri i Kaltër , burim natyror me ujë të kthjellët dhe ngjyra mbresëlënëse.

7. Kuzhina tradicionale ,shije autentike mes pjatave të detit, verërave dhe rakisë vendase.

8. Ishujt e Ksamilit dhe afërsia me Korfuz ,mundësi për eksplorime detare dhe ture me anije.

9. Jeta e natës ,are, klube dhe muzikë live që gjallërojnë sezonin veror.

10. Festivalet kulturore ,evente verore që promovojnë artin, muzikën dhe traditën.

Thirrje për bashkëpunim dhe vizion afatgjatë

Në përmbyllje, Forumi  u konsiderua një hap i rëndësishëm drejt dialogut mes medias dhe institucioneve për të nxitur politika më efektive në zhvillimin e turizmit.

Saranda mbetet një thesar i hapur për eksplorim ,një qytet ku historia takohet me natyrën dhe ku çdo vizitor gjen një arsye për t’u rikthyer. Sfida tashmë mbetet që ky potencial i jashtëzakonshëm të shndërrohet në një model të qëndrueshëm zhvillimi, që ruan bukurinë e jugut dhe e promovon atë denjësisht në arenën ndërkombëtare.