ElbasaniPlus Lajmet më të fundit nga Elbasani dhe jo vetëm.
Një super atmosferë në Pallatin e Sportit është mbajtur ditën e djeshme për finalen e kampionatit të volejbollit mes shkollave 9-vjeçare!
20 shkolla dhe 400 nxënës morën pjesë në këtë aktivitet plot energji, pasion dhe frymë garuese, duke e kthyer sportin në një festë të vërtetë për të rinjtë e Elbasanit.
Kampionë të këtij sezoni u shpallën:
💫 Vajzat – shkolla “Abdyl Paralloi”
💫 Djemtë – shkolla “Jorgji Dilo”
Kryetari i Bashkisë Elbasan falënderoi mësuesit e edukimit fizik dhe organizatorët për përkushtimin dhe disiplinën që tregojnë çdo ditë në nxitjen e brezit të ri drejt sportit.
“Falë punës së mësuesve dhe pasionit të nxënësve, çdo ditë e më shumë të rinj po i afrohen sportit. Rinia e Elbasanit meriton kushte bashkëkohore, prandaj shumë shpejt do të nisë projekti ‘Dua të Luaj’ – projekti më i madh i terreneve sportive që do të krijojë hapësira moderne për lojë, argëtim dhe aktivitet fizik për të gjithë,” – u shpreh kryetari.
Ky projekt i ri i Bashkisë Elbasan pritet të sjellë një frymë të re për sportin e shkollave dhe për komunitetin, duke e kthyer qytetin në një qendër të gjallë rekreacioni dhe bashkëjetese sociale.
