ElbasaniPlus Lajmet më të fundit nga Elbasani dhe jo vetëm.
Biblioteka Publike Elbasan Qemal Baholli, ka çelur rubrikën më të re virtuale me titull “Elbasani në shkrim dhe shpirt”, një hapësirë e dedikuar autorëve, studiuesve, eseistëve, artistëve, filantropëve dhe koleksionuesve elbasanas.
Qëllimi i kësaj nisme është të mbajë gjallë kujtesën kolektive të qytetit, duke risjellë për publikun ngjarje, vende, personazhe dhe histori që i përkasin Elbasanit. Kjo do të realizohet përmes shkrimeve, krijimeve dhe botimeve të tyre, si në formë virtuale, ashtu edhe fizike.
Biblioteka e konsideron ruajtjen, arkivimin dhe promovimin e trashëgimisë së shkruar lokale si një pjesë thelbësore të misionit të saj kulturor, duke e lidhur atë me trashëgiminë kombëtare dhe më gjerë. Rubrika e re vjen si përgjigje ndaj këtij vizioni, duke ofruar një hapësirë të pasur për kujtesën dhe identitetin kulturor të Elbasanit.
