ElbasaniPlus Lajmet më të fundit nga Elbasani dhe jo vetëm.
Partizani dhe Elbasani do të luajnë të dielën në orën 15:30, një prej ndeshjeve më interesante. Në javën e fundit të Superiores, të dyja skuadrat kanë pikë të barabarta.
Verdheblutë e Gvozdenoviç mbajnë vendin e katërt, për shkak të avantazhit në ndeshjet direkte. Sfida e fundit do të vendosë cili prej tyre do të jetë pjesë e Final Four.
Partizani ka histori që i buzëqesh në javën e fundit, përgjatë katër sezoneve të kaluara. Të kuqtë kanë ditur si të fitojnë ndeshjet e fundit. Dhe triumfi është i vetmii opsion, për t’u rikthyer mbi Elbasanin.
Herën e fundit që Partizani ka provuar humbje në javën e 36-të, ishte kur mbyllej sezoni 2019/20. Partizani nuk siguroi as Europën. Situata aktuale është e ngjashme me 5 vite më parë. Vetëm se këtë herë, Partizani po luan shanset e Europës edhe përmes Kupës. Ndaj Elbasanit, barazimi llogaritet si humbje.
REZULTATET E PESË SEZONEVE TË KALUARA PËR PARTIZANIN NË JAVËN E FUNDIT
Sezoni 2023/24: Partizani 4-0 Erzeni
Sezoni 2022/23: Partizani 2-0 Teuta
Sezoni 2021/22: Laçi 3-4 Partizani
Sezoni 2020/21: Bylis 2-4 Partizani
Sezoni 2019/20: Skënderbeu 4-1 Partizani
PANORAMASPORT.AL
