ElbasaniPlus Lajmet më të fundit nga Elbasani dhe jo vetëm.
Pas masave administrative të Bashkisë Elbasan dhe kërkesave të vazhdueshme të qytetarëve, Ujësjellës Kanalizime Rajoni Elbasan ka nisur punimet për rehabilitimin e rrugëve, rrugicave dhe trotuareve të dëmtuara gjatë shtrirjes së tubacioneve të reja të ujësjellësit dhe kanalizimeve.
Ky projekt i shumëpritur synon sigurimin e ujit të pijshëm 24 orë në ditë për qytetarët, një kërkesë e kahershme e banorëve, e cila po bëhet realitet falë investimeve nga KFV gjermane dhe qeveria shqiptare. Përveç furnizimit të qëndrueshëm me ujë, ky proces synon rikthimin e zonave të prekura në gjendjen e tyre optimale, duke siguruar standarde të larta cilësie dhe një infrastrukturë moderne për qytetarët.
Punimet po kryhen me përkushtim për të garantuar një shërbim më efikas dhe të qëndrueshëm në furnizimin me ujë të pijshëm. Bashkia Elbasan do të vijojë monitorimin e këtij procesi për të garantuar zbatimin me cilësi dhe në afatet e përcaktuara, ndërsa falënderon qytetarët për mirëkuptimin dhe mbështetjen e tyre gjatë kësaj faze të rëndësishme të përmirësimit të infrastrukturës urbane.
