Elbasan/ Nuk ndaloi automjetin dhe rrezikoi jetën e punonjësve të Policisë, arrestohet 30-vjeçari që shiste kokainë, e pëson dhe babai i tij. Emri

Ervis Sula ra në prangat e policisë, pasi rrezikoi jetën e punonjësve të Policisë në Elbasan.

30-vjeçari, nuk ndaloi automjetin me të cilin shpërndante kokainë dhe kanabis dhe u largua me shpejtësi. Po ashtu është proceduar penalisht dhe babai i tij.

Gjatë kontrollit fizik në banesën e tyre, policia gjeti dhe sekuestroi 630 gr kanabis, një sasi kokainë, 3 armë gjahu, 2 thika, 1 armë sportive, 55 fishekë, sasi baruti me të cilin mbusheshin fishekët, 1 palë dylbi dhe 1 dedektor metal-kërkues.

Njoftimi:

Elbasan/Finalizohet operacioni policor i koduar “Risku”.

Nuk ndaloi automjetin me të cilin shpërndante Kokainë dhe Cannabis, por u largua me shpejtësi, duke iu rrezikuar jetën punonjësve të Policisë, kapet dhe vihet në pranga 30-vjeçari, Ervis Sula.

Procedohet penalisht babai i këtij shtetasi.

Në banesën e këtyre shtetasve u gjetën:

630 gramë Cannabis, një sasi Kokaine, 3 armë gjahu, 2 armë të ftohta (thika), 1 armë sportive, 55 fishekë, sasi baruti me të cilin mbusheshin fishekët, 1 palë dylbi dhe 1 dedektor metal-kërkues.

Në vijim të aksioneve policore kundër veprimtarive kriminale në fushat e narkotikëve dhe armëmbajtjes pa leje, shërbimet e Sektorit për Hetimin e Narkotikëve dhe Trafiqeve, në bashkëpunim me shërbimet e Forcës së Posaçme Operacionale dhe me shërbimet e Komisariatit të Policisë Peqin, finalizuan operacionin e koduar “Risku”.

Në kuadër të operacionit u vu në pranga shtetasi E. S., 30 vjeç dhe u procedua në gjendje të lirë, babai i tij, shtetasi F. S., 67 vjeç, të dy banues në Peqin.

Në bazë të informacioneve të siguruara nga inteligjenca policore, në lagjen “Teqe”, i është bërë shenjë ndalimi, automjetit me drejtues shtetasin E. S., i cili dyshohej se shiste Kokainë dhe Cannabis, në Peqin. 30-vjeçari nuk i është bindur urdhrit për ndalim, por ka vijuar lëvizjen me shpejtësi, duke rrezikuar jetën e punonjësve të Policisë.

Materialet procedurale iu referuan Prokurorisë pranë Gjykatës së Shkallës së Parë të Juridiksionit të Përgjithshëm Elbasan, për veprime të mëtejshme.