Dy mjete përplasen ‘kokë më kokë’/ Pesë pasagjerët e njërës prej makinave po ktheheshin nga dasma

Një aksident është regjistruar në orët e para të ditës së sotme, në aksin rrugor Berat-Lushnjë.

Policia ka njoftuar se ngjarja ka ndodhur rreth orës 4 pranë fshatit Fier-Shegan. Në aksident janë përfshirë dy automjete, një automjet tip “Toyota RAV4” ku udhëtonin 5 persona dhe një mjete tip “Smart”.

Të dy mjetet të cilët udhëtonin në kahe të ndryshëm janë goditur me njëra-tjetrën në pjesët anësore ku me pas kanë përfunduar në kanale.

Bëhet e ditur se është dashur ndërhyrja e forcave zjarrfikëse dhe policisë për nxjerrjen e personave që ndodheshin në automjete.

Nga ky aksident pasagjerët kanë marrë lëndime të lehta, ndërsa një grua rreth të 50-ave ka marrë dëmtime më shumë, por jashtë rrezikut për jetët.

Të 5 personat që udhëtonin me mjetin tip “Toyota” ishin duke u kthyer nga një dasmë. Ekspertët të policisë rrugore nisën hetimet e shkaqeve të aksidentit duke marrë në pyetje dy drejtuesit e tyre.