ElbasaniPlus Lajmet më të fundit nga Elbasani dhe jo vetëm.
Kryesocialisti Edi Rama ka folur nga Elbasani për platformën “Deputeti që duam”, duke u shprehur se PS-ja është një parti e hapur, që dëshiron të ketë brenda gjirit të saj elementë, që e bëjnë Partinë Socialiste një parti më të mirë. Rama u shpreh se politika, nëse është në duar të mira, mund të bëjë gjëra pozitive për njerëzit.
“Ne po promovojmë platformën e thirrjeve të hapura, për vajzat e djemtë, gratë e burrat që kanë pasionin, vullnetin dhe kurajon për të hyrë bashkë me ne në përpjekjen për ta dërguar më tej Shqipërinë, përbën një hap të guximshëm në jetën e brendshme të Partisë Socialiste, por edhe në funksion të përmirësimit të demokracisë.
Ne duam ta vëmë politikën në duar të mira. Politika ka lindur nga nevojat e njerëzve. Evis Kushi fillimisht ishte refuzuese, pasi kishte mos-besim, mu desh durim ta bind, sikundër edhe të tjerë, që sot në pozicione me përgjegjësi të mëdha”, tha Rama.
Duke përdorur metaforën e Elbasanit që ka qenë një zonë e prekur rëndë nga shkatërrimi mjedisor prej mbetjeve, Rama tha se “PD e ka treguar që në fillim se ka çuar zhvillimet e vendit mbrapa. Sinjal e shenjë e qartë është pikërisht Elbasani, ku ata po sulmojnë një model të mrekullueshëm të pastrimit të mushkërive për të gjithë banorët e zonës. Shtëpia e tyre është se çfarë mblidhet o shkon nëpër xhepa ose për të konsumuar, a bixhoz. Në të gjitha aspektet e jetës, nuk ka të krahasuar ndryshimi që është bërë”, tha Rama, i cili bëri një diversion brenda opozitës.
“I kuptoj shumë mirë militantët e PD-së që nuk duan të votojnë PS-në dhe mua, por ka një gjë se nëse votojnë për Lulin kanë në paketë katërshen e famshme “Lulin, Ilirin, Saliun dhe Monikën”.
Ata nuk kanë plan afatgjatë, apo vizion por vetëm mendësi pushteti për ta përdorur për interesa të pjesshme deri edhe personale.
