ElbasaniPlus Lajmet më të fundit nga Elbasani dhe jo vetëm.
Elbasani po jeton një gusht plot gjallëri, ku fundjava u kushtua argëtimit dhe aktiviteteve për fëmijët. Parku “Rinia” u mbush me zëra e buzëqeshje të vogëlushëve, të cilët shijuan Kinemanë Verore , lojërat, biçikletat dhe patinat, duke sjellë një atmosferë të gëzueshme familjare në qytet.
Këto aktivitete janë pjesë e programit “Gushti, muaji i aktiviteteve”, i ideuar nga kryetari i Bashkisë Elbasan, Gledian Llatja, për t’i dhënë qytetit një frymëmarrje ndryshe gjatë verës. Çdo javë, qytetarët dhe vizitorët e Elbasanit kanë mundësi të marrin pjesë në ngjarje të ndryshme festive dhe edukative: lexime librash, shfaqje kinemaje, takime me personalitete të artit dhe kulturës, si dhe ekspozitën fotografike “100 vjet Elbasan”.
Vlen të theksohet se, përveç komunitetit vendas, këtë muaj të nxehtë veror Elbasani ka pritur edhe shumë turistë, të cilët i janë bashkuar atmosferës së gjallë të aktiviteteve dhe kanë vizituar qytetin, duke u njohur më nga afër me historinë dhe kulturën e tij.
Ky program kulturor e artistik synon të krijojë hapësira argëtimi dhe edukimi për fëmijët, të si dhe të promovojë Elbasanin si një qytet me tradita dhe jetë të gjallë kulturore.
