ElbasaniPlus Lajmet më të fundit nga Elbasani dhe jo vetëm.
Elbasani u trondit mbrëmjen e sotme nga një atentat i rëndë i ndodhur në ambientet e një biznesi në zonën e Unaza Jugore.
Sipas informacioneve paraprake, biznesmeni Mondi Mëhalla është qëlluar me armë zjarri në brenda makinës së tij. Viktima dyshohet se ka marrë plagë të rënda fatale si pasojë e të shtënave.
Forca të shumta të Policisë së Shtetit mbërritën menjëherë në vendngjarje, duke rrethuar zonën dhe ngritur pika kontrolli në akset kryesore të qytetit, në përpjekje për identifikimin dhe kapjen e autorëve.
Hetimet vijojnë me intensitet për zbardhjen e plotë të rrethanave të ngjarjes, ndërsa deri më tani nuk ka informacion zyrtar mbi motivin apo dinamikën e saktë të atentatit. Autoritetet pritet të dalin me një qëndrim zyrtar në orët në vijim.
