Drejtuesi Politik i Qarkut të Elbasanit, z. Arbjan Mazniku, ka zhvilluar një seri takimesh me banorët e rajoneve 4, 5 dhe 6 të qytetit, ku është kandidat për deputet Florenc Spaho. Në një atmosferë entuziaste dhe me pjesëmarrje të gjerë të qytetarëve, Mazniku vlerësoi me superlativa figurën e Spahos, duke e konsideruar një nga kandidaturat më dinjitoze dhe të domosdoshme për Parlamentin e ardhshëm.
“Parlamentit i duhet Florenc Spaho dhe Florenc Spaho duhet të jetë në Parlament,” u shpreh Mazniku, duke nënvizuar integritetin, profesionalizmin dhe lidhjen e fortë që kandidati ka me komunitetin e Elbasanit.
Florenc Spaho, i njohur për qasjen e tij qytetare, përkushtimin ndaj besimit dhe kontaktin e vazhdueshëm me njerëzit, ka krijuar një profil politik të veçantë që bashkon vlerat tradicionale me vizionin progresist të Partisë Socialiste. Në takimet me banorët, ai është angazhuar për të përfaqësuar interesat reale të qytetarëve, duke vënë theksin te arsimi, shëndetësia, kujdesi për shtresat në nevojë dhe mbështetja për të rinjtë dhe bizneset vendase.
“Vota për Florenc Spahon është një votë për Elbasanin, por mbi të gjitha, është një votë për Partinë Socialiste dhe për vazhdimësinë e punëve të mira,” – u theksua në fjalimet e mbajtura në terren.
Fushata në këto Rajone po intensifikohet, ndërkohë që mbështetja për Spahon vjen çdo ditë në rritje. Ai shihet si një figurë që përfaqëson jo vetëm PS-në, por edhe qytetarinë, ndershmërinë dhe përkushtimin që njerëzit kërkojnë nga përfaqësuesit e tyre në Kuvend.
ElbasaniPlus Lajmet më të fundit nga Elbasani dhe jo vetëm.
