“Më mirë nuk bëhet, i moshuari në Elbasan: mosha jonë është si puna e makinës…

Të moshuarit dje në Elbasan kanë mbushur qendrën e qytetit, duke përfituar nga leja për dalje në kohë pandemie. Njëri prej tyre shprehet: “Sot ndjehem në formë sportive. Nuk ka më mirë, fizikisht dhe mendërisht. Kur qëndroj i izoluar bëj shumë aktivitete. Lexim, fiskultur, internet, pune shtëpie, laj enët janë motive që më shtyjnë të mbaj fizikun në formë.”

Një i moshuar tjetër lavdëron masat e autoriteteve: “Më mirë nuk bëhet. Mendoj se karantine ka qenë më e përshtatshmja për moshën e tretë. Unë mendoj se më e mira është bërë deri sot. Apeli im është që të vazhdojnë të rrinë brenda. Vetëm jam dhe kam nevojë për gjithçka, por jam mirë. Kjo është gjë e mirë që jemi të paprekur. E kemi të nevojshme të dalim, se mosha jonë është si puna e makinës sa më shumë të jetë e mbyllur, të fikur, aq më keq është.”

Një tjetër i moshuar thotë: “Ndihem shumë mirë. natyrisht që kjo kohë ka qenë e pazakontë, por unë ia kam kaluar mirë në shtëpi se kam një shtëpi me oborr dhe me merrem me te.”