ElbasaniPlus Lajmet më të fundit nga Elbasani dhe jo vetëm.
Një aksident i rëndë ka ndodhur sot në Gramsh, ku një furgon është përplasur me një fuoristradë, duke lënë të plagosur pesë persona. Mësohet se njëri prej tyre është në gjendje të rëndë.
Për nxjerrjen e të lënduarve nga automjetet është dashur ndërhyrja e zjarrfikësve, ndërsa policia ka nisur hetimet për zbardhjen e shkaqeve të aksidentit. Paraprakisht, raportohet se shoferi i furgonit ka qenë në gjendje të dehur në momentin e përplasjes.
Të plagosurit janë transportuar me urgjencë drejt spitalit për ndihmë mjekësore. Autoritetet apelojnë për kujdes të shtuar në rrugë dhe respektim të rregullave të qarkullimit.