13 vite më e madhe se Romeo! Jonida Maliqi rrëfehet për vjehrrën: Si them vjehrre, ajo mua më…

Këngëtarja e njohur Jonida Maliqi dhe aktori i humorit Romeo Veshaj kanë qenë në qendër të mediave së fundmi, pasi gjatë periudhës së karantinës konfirmuan lidhjen e tyre. Ata ndajnë herë pas here momente të ëmbëla nga përditshmëria e tyre me ndjekësit në rrjetet sociale, duke shkaktuar jo pak të qeshura.

Ditët e fundit, Jonida Maliqi ka dhënë një intervistë, ku ka folur për shumë gjëra private që ishim tepër kuriozë t’i mësonim, siç është për shembull marrëdhënia që ajo ka me prindërit e Romeos. E ftuar në “Ora e Tiranës”, Jonida ka treguar se kanë një raport shumë solid dhe me vjehrrën ruan një raport shumë të mirë, teksa shprehu vlerësimet e saj për prindërit e partnerit.

“Me të ëmën e Romeos e kam marrëdhënien shumë të mirë, por nuk quhet vjehrrë. Unë s’kam unazë në gisht. Romeo është shoku im, ajo është mami i Romeos. Kemi një marrëdhënie solide, shumë të mirë. Romeo ka dy prindër të mrekullueshëm, kam një kimi shumë të mirë me ta, i respektoj dhe më respektojnë në një marrëdhënie shumë solide.”

Ndër të tjera, ikona e modës në vendin tonë tregoi se ka gati dy produksione, dhe për një prej tyre po bashkëpunon me Romeon. “Kam një këngë që ka dalë nga studio, një bashkëpunim me një artist xhamajkan që jeton në Kanada, dhe na ka ngelur videoja pa xhiruar prej situatës së krijuar nga pandemia. Paralelisht po punoj me një material tjetër muzikor dhe Romeo po shkruan tekstin e saj”,- ka thënë Jonida.