Zgjedhjet e “strukturave paralele” në PD. Dalin emrat e kandidatëve për kryetar partie në Elbasan

Që prej ndarjes së Partisë Demokratike në 2 pjesë, kanë filluar zgjedhjet e reja të strukturave nga grupi i rithemelimit të PD-së. Megjithëse PD-ja zyrtare nuk e njeh këtë process grupi i rithemelimit ka vazhduar procedurën me mbledhje dhe zgjedhje të strukturave.

Pas kalimit të proceseve të mësipërme tashmë i është afruar data e zgjedhjes së kryetarëve të degëve dhe më pas kryetarit të PD-së.

Gjithashtu edhe në qytetin e Elbasanit “strukturat paralele” kanë vijuar me proceset e rithemelimit dhe kanë dërguar në Tiranë për konfirmim propozimet e bazës për kandidatët garues ne zgjdhjet e afërta. Ajo që bie në sy është që katër kandidatët kryesorë janë pedagogë të nderuar që mbajnë titullin Doktor Shkencash. Blendi Himçi, Eliona Gremi, Elior Vila dhe Sonila Daiu janë emrat e përcjellë në komisionin e themelimit.

Blendi Himçi 45 vjeç, Doktor Shkencash në Drejtësi, i diplomuar në Itali, aktualisht pedagog i së Drejtës në Universitetin e Elbasanit dhe mjaft i njohur në fushën e avokatisë. Mbart një karrierë të gjatë politike duke mbajtur dhe postin e këshillit të qarkut Elbasan.

Eliona Gremi, Doktore Shkencash në Finance dhe pedagoge e Universitetit të Elbasanit. Diplomuar si ekselente ka mbajtur dhe detyrën e Përgjegjëses së Departamentit të Financës dhe Kontabilitetit.

Elior Vila, Doktor Shkencash në Informatikë, aktualisht pedagog në Universitetin e Elbasanit ku mban dhe pozicionin e Përgjegjësit të Departamentit të Informatikës. Ka kryer studime të thelluara në Teknologjinë e Informacionit në Gjermani.

Gjermani.

Sonila Daiu, Doktore Shkencash në Komunikim dhe Anglisht. Pedagoge mjaft aktive në qarqet akademike të Shqipërise. Gjithashtu dallohet për aktivizim të dendur në fushatat e Partisë Demokratike.

Alboday