U ndryshoi dokumentet, zbulohet si nipi i Isa Boletinit fshehu hebrenjtë në Elbasan

Drejtori i Institutit të Trashëgimisë Shpirtërore dhe Kulturore të Shqiptarëve Skëndër Asani në një intervistë për Euronews Albania tregoi se si nipi i Isa Boletinit, Tafil Boletini shpëtoi qindra hebrenj.

Ai tha se asokohe ishte perfekt në Elbasan dhe u ndryshoi dokumentet hebrenjve të cilët kishin ardhur nga Maqedonia në Elbasan ku dhe u strehuan.

Ndër të tjera ai shtoi se shumë hebrenj janë kthyer në Shqipëri dhe kanë treguar historitë e familjarëve të tyre të dhimbshme.

 “Përflitet se shumë hebrenj nga Ballkani janë kthyer në Shqipëri, në Tetovë, Gostivar, Strugë Dibër. Kur flitet për Shqipërinë, nuk flitet për Shqipërinë administrative të sotme por flitet për popullin shqiptar që ka shpëtuar hebrenjtë. Tek ne pas 8 dekadave vijnë njerëz nga e gjithë bota për të rrëfyer se si janë shpëtuar hebrenjtë në tokën shqiptare. Do të botojmë 80 memoare të hebrenjve që janë shpëtuar nga populli shqiptar. Nuk janë 10 mijë hebrenj, janë më qindra hebrenj që nisën rrugëtimin nga Manastiri por dhe nga Bullgaria drejt Elbasanit.

Në atë periudhë kohore Tafil Boletini ishte prefekt i prefekturës së Bashksië së Elbasanit dhe jo rastësisht ai pajisi me dokumentacion qindra hebrenj që gjetën strehim në Elbasan. Boletini shpëtoi hebrenj jo vetëm në Elbasan por dhe në Tetovë.  Po bëjmë përgatitjet që t’i japim titullin e nderit”- tha ai.