Top Channel ka rënë në dashuri me Donaldin, tani radhën për qoka e ka fisi!

Donald Veshaj është i përkëdheluri i Big Brother VIP Albania. Duket sikur produksioni është i dashuruar pas tij, sepse nuk janë përpjekur fare ta fshehin simpatinë dhe mbrojtjen që i kanë bërë gjatë këtij edicioni.

Aktorin nga Vlora e kanë vizituar të gjithë. Në fillim, ish-e dashura, Bora Zemani. Kalojmë te vëllai binjak, prindërit, më pas edhe vëllai i vogël. Shoku i ngushtë (Elgit Doda), po. Fifi, si ish-banore, po e po! Madje, duke e diferencuar si fitues dhe duke e mbështetur në mënyrë të befasishme.

Vazhdojmë me mikun e tij Mozzik, i cili e mbështeti hapur duke thënë se do jetë fituesi. Aktori ka marrë mesazhe me 20 mijë lekësh, nëse e mbani mend. Ka marrë edhe nja 3-4 parashuta me mesazhe.

I futën në Big Brother që në fillim shoqen e tij, Semin. Më pas (gjë e aluduar nga Arbër Hajdari), i futën edhe Egzonën, kontakt i binjakut të tij, Romeo, me një miqësi të vjetër me Arbër Zekën nga Kosova.

Me pak fjalë, Donaldi i ka patur të gjitha gati në Big Brother. Ai është figura më aktive e këtij edicioni dhe ndoshta njeriu më i parapëlqyer në rrjetet sociale. Ka bërë plot gabime, por edhe ka ndryshuar.

Domosdo, kur merr sinjale dhe ndihma pafund nga jashtë, pse të mos ndryshosh? Ai ka qenë tërë kohës i mbrojtur dhe i monitoruar. Big Brother e ka një argument për këtë, sidoqoftë. Donaldi ka 3-4 muaj që është njeriu më në modë në Shqipëri. Kur përmendet emri i tij, ke automatikisht klikime.

Në fund të fundit, Top Channel është media dhe mediat kanë nevojë për vëmendje, klikime, shikime, diskutime, lajme dhe pëlqime. Sigurisht, edhe vota dhe reklama.