Sot në orën 16:00, pranë Turizmit, do të firmoset një peticion për dekomunistizimin.

Iniciativa për këtë peticion është ndërmarrjë nga Instituti për Demokraci për Media e Kulturë dhe Fondacioni “Konrad Adenauer”, të cilët në bashkëpunim me partnerët organizojnë në datat 17-26 shkurt edicionin e 7-të të “Ditëve të Kujtesës”.

Sot në orën 16:00, pranë Turizmit në Elbasan, do të mblidhen firma për këtë peticion.

Në këtë peticion do ti kërkohet parlamentit, miratimi i një kuadri ligjor që ndalon propagandën e regjimit komunist, ndalon ligjërimin glorifikues të diktaturës, ndalon përdorimin e simboleve të regjimit komunist në hapësirën publike;

vetingun e funksionarëve politikë dhe drejtuesve të institucioneve, rishikimin e emërtimit të shkollave, rrugëve, shesheve dhe institucioneve duke propozuar ndryshime konkrete,  rishqyrtimin e kurrikulave mësimore në ciklin shkollor, duke propozuar krijimin e një grupi pune të përbërë nga juristë, studiues, historianë dhe specialistë të fushës”.

Përfaqësues të organizatave europiane vlerësojnë nismën e ndërmarrë në Shqipëri, ndërsa shtojnë se me rëndësi është që historia komuniste shqiptare të njihet edhe në europë si një hap drejt demokracisë funksionale.