ElbasaniPlus Lajmet më të fundit nga Elbasani dhe jo vetëm.
Konfirmohet një tjetër rast me COVID në Belsh. Bëhet fjalë për një 24 vjeçar me origjinë nga Belshi por banues në Elbasan, i cili ka rezultuar i infektuar. I riu ka qenë në Itali ku mendohet se e ka marrë virusin, ndërsa është vetëkarantinuar në banesën e tij.
Derkohe, Ministria e Shëndetësisë dhe Mbrojtjes Sociale tha se për 24 orët e fundit kemi 50 raste të reja me covid-19 dhe një tjetër pacient ka humbur jetën.
Shpërndarja gjeografike e të identifikuarve pozitivë në 24 orët e fundit është si vijon: 17 raste në Tiranë, 6 në Krujë, 5 në Lezhë, nga 4 raste në Shkodër, Durrës, Fier, 3 në Korçë, 2 raste në Vlorë dhe Elbasan dhe nga 1 rast përkatësisht në Kurbin, Mirditë dhe Sarandë.
Ndërsa viktima, njofton ministria është një pacient 69 vjeçar nga Kruja me leukozë akute, ka ndërruar jetë në spitalin infektiv, i prekur nga Covid19. Tashmë vendi ynë numëron 42 viktima nga covid-19.