Qendra Rajonale të Formimit Profesional Elbasan i rikthehet traditës, shpërndan certifikata për 100 kursantët që mbaruan kursin

Qendra Rajonale e Formimit Profesional e ka kthyer tashmë në traditë që pas përfundimit të kurseve e të rinjve në fusha të ndryshme të punësimit, të organizojë edhe ceremoninë e shpërndarjes së çertifikatave të trajnimit në këtë qendër.

Drejtori i qendrës, z. Indrit Abdiaj e nisi fjalën duke falënderuar kursantët dhe duke kujtuar që kaluam një periudhë të vështirë për shkak të pandemisë iu rikthyen sërish traditës e shpërndarjes së certifikatave të mbledhur të githë së bashku dhe nën pjesëmarrjen e kryetarit të bashkisë si dhe deputetëve të Qarkut.

Kryetari i Bashkisë Z. Gledian Llatja, nën shoqërinë edhe të deputetëve të qarkut, ka marrë pjesë  në ceremoninë e shpërndarjes së çertifikatave për 100 të rinj që tashmë kanë një zanat dhe janë të aftë profesionalisht për tu punësuar në sektorin privat dhe shtetëror.

Kreu i Bashkisë Z. Gledian Llatja e vuri theksin tek bashkëpunimi që institucioni i Bashkisë ka me Zyrën e Punës si edhe me Këshillin e Biznesit, ç’ka sipas tij ka bërë të mundur edhe punësimin e të rinjve të cilët trajnohen prej disa muajsh në këtë qendër në profile të ndryshme.

“Bashkia ka një këshillë të bizneseve me shumë vlerë, ku edhe marrim mendimet kur ato kanë nevojë të zhvillohen. Energjia e rinovueshme është një nga trendet e ekonomisë, dhe ne tashmë së shpejti do ta bëjmë pjesë të kurseve në QRFP”, tha Llatja.

Deputeti Damian Gjiknuri nën cilësinë edhe të drejtuesit politik të qarkut, ka inkurajuar të rinjtë që të bëhen pjesë e kurseve profesionale për një të ardhme të garantuar.

“ Të ndjeheni krenar, pasi fitoni një profesion, është një çertifikatë sigurie për të ardhmen. Fakti që po merrni një zanat është gjëja e duhur. Më vjen mirë që po rikthehet profesioni, pasi sot ka shumë nevojë për punë, për një profesion, pasi e ardhmja është e garantuar. Elbasani ofron shumë mundësi sepse është një zonë me karakter industrial, dhe investimet do të shtohen, ndaj dhe do të ketë akoma më shumë nevojë për punësim, për shkak edhe të pozicionit gjografik, afër kryeqytetit, dhe portit”.

Qendra Rajonale e Formimit Profesional është shembulli më i mirë se si një i ri apo punëkërkues orientohet, formohet dhe adresohet në dobi të tregut të punës.

Më shumë se 1 mijë praktikantë të certifikuar në Elbasan gjatë vitit 2021 që kanë ndjekur programet e formimit profesional dhe disa prej tyre kanë arritur të hapin sipërmarrjet e tyre duke u vetëpunësuar.

Gjatë kësaj periudhe në Qendrën Rajonale të Formimit Profesional është përmirësuar cilësia e kabineteve nëpërmjet bashkëpunimit me donatorë të ndryshëm, kabineti i ndërtimit, automekanikës, parukeri, estetikë, kursi i berberit, apo manikyr pedikyr.

Qendra është e përhapur në të gjithë bashkitë e qarkut.