ElbasaniPlus Lajmet më të fundit nga Elbasani dhe jo vetëm.
Pavarësisht të gjithë masave aksidentet rrugore vazhdojnë të marrin shumë jetë mjerzish. Për të eleminuar këtë fenomen policia Rrugore vijon zbatimi i planit të masave nga Policia Rrugore, për parandalimin e aksidenteve rrugore, me qëllim rritjen e parametrave të sigurisë.
Kontrolle në të gjitha akset urbane dhe rurale, për të parandaluar, evidentuar dhe ndëshkuar shkelësit e Kodit Rrugor.
Kontrolle të pandërprera janë përqendruar ndaj automjeteve që lëvizin me shpejtësi tej normave të lejuara, ndaj personave që drejtojnë automjetet pa leje drejtimi, nën efektin e alkoolit apo në gjendje të dehur, kontrolle për mosvendosjen e rripit të sigurimit, për përdorim të telefonit gjatë drejtimit të mjetit, si dhe për shkelje të tjera, të cilat janë burim aksidenti.
Gjatë 48 orëve të fundit, nga specialistët e Qarkullimit Rrugor në DVP Elbasan, u arrestuan në flagrancë 8 shtetas dhe konkretisht:
• E. K., 19 vjeç, banues në Elbasan; N. S., 46 vjeç, banues në Elbasan; D. Ç., 55 vjeç, banues në Elbasan; B. M., 62 vjeç, banues në Belsh dhe I. M., 58 vjeç, banues në fshatin Trojas, Belsh. Arrestimi në flagrancë i këtyre shtetasve u bë pasi janë kapur nga shërbimet e Policisë Rrugore duke drejtuar motoçikletat pa leje drejtimi.
• O. K., 36 vjeç, banues në Elbasan dhe F. M., 22 vjeç, banues në fshatin Katund Ri, Elbasan. Arrestimi i tyre u bë pasi janë konstatuar nga shërbimet e Policisë Rrugore duke drejtuar mjetet në gjendje të dehur.
• A. B., 18 vjeç, banues në Durrës, pasi është kapur nga shërbimet e Policisë Rrugore duke drejtuar mjetin pa leje drejtimi.
Po si rezultat i kontrollit të shtuara janë pezulluar 15 leje drejtimi për 48 orë, nga këto:
6 për drejtim mjeti nën efektin e alkoolit;
4 për shpejtësi tej normave të lejuara;
5 për drejtim mjeti në sens të kundërt;
Si edhe janë evidentuar një sërë shkeljesh të rregullave të qarkullimit rrugor dhe drejtuesit e mjeteve janë ndëshkuar me masë administrative.
Janë vendosur gjithsej 200 masa administrative nga këto:
30 për mospërdorim të rripit të sigurimit;
50 për përdorim të celularit gjatë drejtimit të mjetit;
20 për parakalim të gabuar;
100 masa të tjera për shkelje të ndryshme të Kodit Rrugor;
Policia e Elbasanit do të vijojë kontrollet e pandërprera, me qëllim parandalimin e aksidenteve dhe apelon për të gjithë përdoruesit e rrugës që të respektojnë rregullat e qarkullimit rrugor, duke kontribuar në rritjen e parametrave të sigurisë rrugore.