“Petrit Shou”, koncerti që bashkoi artistë e këngëtarë nga të gjitha trevat shqiptare

Nga Fatmir Popja

Mbrëmjen e mesjavës , Teatri Skampa i Elbasanit u bë dëshmitar i një shfaqjeje artistike të paharrueshme gjatë të cilës për rreth dy orë u shfaq një aktivitet i jashtëzakonshëm muzikor i cili bashkoi në skenë muzikën popullore dhe atë të lehtë dhe që solli një moment të veçantë e të rrallë për publikun elbasanas.

Ky show i jashtëzakonshëm i organizuar nga Petrit Kuçi ngjiti në skenë 15 këngëtarë nga Shqipëria, por edhe nga Kosova dhe Maqedonia e Veriut duke e bërë këtë ngjarje një përpjekje të madhe për të lidhur më shumë trevat shqiptare përmes artit , muzikës dhe këngës.

Petrit Kuçi, një këngëtar dhe producent i njohur organizoi koncertin më të madh të viteve të fundit për të mundësuar bashkimin e artistëve nga të gjitha trevat shqiptare dhe që krijuan një moment të paharrueshëm për adhuruesit e muzikës shqiptare. Ai theksoi se megjithëse ky projekt ka qenë shumë i vështirë për tu realizuar, dëshira e madhe e artistëve për të realizuar këtë koncert ka bërë të mundur që ky shfaqje të bëhej një realitet.
Për organizatorin, ky ishte një ngjarje që shprehte pasionin dhe angazhimin e artistëve për të sjellë artin e tyre tek publiku i Elbasanit.
Në një atmosferë magjike, këngëtarët e pranishëm ndanë emocione të fuqishme dhe momentet më të bukura me publikun, që e mirëpriti ngrohtësisht këtë shfaqje artistike. Shpërthimi i entuziazmit dhe kënaqësisë ishte i jashtëzakonshëm jo vetëm për publikun, por edhe për vetë këngëtarët, të cilët ishin shumë të lumtur për mundësinë e ribashkimit dhe bashkëpunimit mes kolegëve nga trevat shqiptare.

Shpërthime emocionale dhe fjalë të ngrohta erdhën edhe nga këngëtarë të njohur si Shpat Kasapi, Silva Gurabardhi, Hekuran Krasniqi dhe Ervin Bushati, të cilët shprehën falënderimet dhe gëzimin e tyre për mundësinë e pjesëmarrjes në një ngjarje të tillë. Ata ishin shumë të lumtur që ishin pjesë e këtij koncerti dhe se kishin mundësinë të shprehnin dashurinë e tyre për muzikën dhe traditat shqiptare përpara një publiku kaq të pasionuar.
Ky show artistik mbetet një nga ngjarjet më të mëdha të muzikës shqiptare që është zhvilluar në Elbasan, me një pjesëmarrje kaq të madhe të artistëve. Ky koncert solli një ndërlidhje të ngushtë mes muzikës tradicionale dhe asaj moderne, duke i dhënë mundësinë artistëve të vjetër dhe të rinj të shfaqin talente dhe këngë të reja. Në këtë mënyrë, ky ngjarje jo vetëm që bëri bashkim të këngëtarëve të njohur, por gjithashtu i dha mundësinë artistëve të rinj të shpalosin kreativitetin e tyre dhe të debutonin para publikut.Në këtë natë magjike të muzikës, Elbasani i dha një mundësi të shkëlqyer për artistët dhe adhuruesit e muzikës shqiptare që të ndanin një moment të paharrueshëm të artit dhe kulturës.
Ky koncert i organizuar me pasion dhe përkushtim, ka bërë që ky shfaqje të mbetet në kujtesën e të gjithëve, dhe një moment i rëndësishëm për kulturën muzikore të qytetit dhe kombit shqiptar.