ElbasaniPlus Lajmet më të fundit nga Elbasani dhe jo vetëm.
Gjatë ditës së sotme Shqipëria do të vijojë nën ndikimin e masave ajrore të nxehta me origjinë afrikane duke sjellë mot të kthjellët dhe temperaturat shumë të larta në pjesën më të madhe të territorit.
Vlerat ekstreme priten në qarqet Elbasan, Berat dhe Gjirokastër mbi 40 gradë celcius.
Pjesa e dytë e ditës do të sjellë vranësira të herëpashershme përgjatë gjithë territorin, por më të theksuara vranësirat do të paraqiten në zonat malore verilindore dhe juglindore, megjithatë nuk do të ketë reshje.
Temperaturat e ajrit do të pësojnë rritje në të dy vlerat ekstremale ditore duke u luhatur nga 13°C vlera minimale deri në 41°C vlera maksimale në rang territori.