ElbasaniPlus Lajmet më të fundit nga Elbasani dhe jo vetëm.
Ditën e sotme rreth 50% e mësuesve në Elbasan refuzuan të vaksinohen me vaksinën e AstraZeneca-s. Kryeministri Edi Rama ka qenë i pranishëm ditën e sotme në qendrën e vaksinimit në Durrës, ku mësuesit po marrin dozën e parë ta vaksinës. Rama është shprehur se qytetarët kanë të drejtë që të shqetësohen sepse janë përhapur shumë lajme, por ka siguruar se vaksina e AstraZeneca-s që ka marrë Shqipëria është seri tjetër dhe jo nga ajo që ka shfaqur probleme.
“Nuk kanë asnjë faj njerëzit të shqetësohen nga lloj lloj lajmesh e lëvizjesh që mund të kenë 1001 arsye. Kjo është lùftë e madhe për jetën por edhe lùftë e madhe tregtare. Nuk e kanë ndërprerë Polonia, Hungaria, Sllovenia, Kroacia, Serbia, Kanadaja e Belgjika, që kanë konfirmuar se do të vazhdojnë vaksinimin. Edhe pjesa që ka bërë pezullimin presin konfirmimin e OBSH dhe të EMA-s, që kanë thënë se kjo vaksinë s’ka asnjë problem. Sot po flisja me Londrën dhe aty janë bërë miliona vaksina AstraZeneca dhe s’ka asnjë shqetësim. Nuk ka asgjë për t’u shqetësuar. Ne kemi marrë seri tjetër nga ajo seri që ka shfaqur probleme”, tha Rama.