“Me Dinamon ishte një natë e keqe”, ish-trajneri Dosti: Nuk ka nevojë për masa, Elbasani rikthehet në Laç

Në Elbasan të gjithë bien dakord se ajo humbje ndaj Dinamos ishte një aksident dhe thjesht një natë e keqe, nga ku duhet të shërbejë si një restart i ri.MUHARREM DOSTITë paktën, i këtij mendimi është edhe ish-portieri dhe trajneri i Elbasanit, Muharrem Dosti, i cili analizon për “Panorama Sport” momentin që po kalojnë verdheblutë. Dosti përgëzon drejtuesit që nuk morën masa, sepse do të ngarkonin edhe më shumë skuadrën. Sipas tij, kundër Laçit Elbasani ka shansin të rikthehet te fitorja, edhe pse vlerëson kurbinasit për ndeshjet e javëve të fundit. Sa i përket merkatos, Dosti sheh nevojën e katër afrimeve, ku më emergjente e konsideron në mesin e fushës.

Dosti, çfarë ndodhi me Elbasanin kundër Dinamos?

Në atë ndeshje nuk funksionoi asgjë dhe janë gjëra që ndodhin në futboll. Ky ekip nuk është trembur as kur ka luajtur ndaj Partizanit, Vllaznisë, Tiranës apo Egnatias. Për mua ishte një ndeshje që duhet harruar sa më shpejt, sepse ishte një mbrëmje e keqe.

Këtë javë luajnë me Laçin, si e prisni?

Unë kam besim se kthesa do të vijë që këtë javë, pavarësisht se Laçi po kalon një moment të mirë. Fusha e Laçit është e vështirë, por kapaciteti i lojtarëve që ka Elbasani do të tregojnë veten. Më e pakta, kam besim se në Laç nuk mundemi.

VLADIMIR MEMA-PANORAMASPORT.AL