ElbasaniPlus Lajmet më të fundit nga Elbasani dhe jo vetëm.
Epidemiologu i njohur shqiptar, Ilir Alimehmeti permes postimit te tij ne facebook ka dhene nje lajm te mire per Covid-19. Ai tregon se sipas nje studimi te fundit eshte bere e ditur se virusi ka pesuar nje mutacion qe e ben virusin te transmetohet me shpejt. Ndaj ne keto momente po qarkullon forma me e re e koronavirusit qe eshte C614, qe e shfaq me te transmetueshem por edhe me shume te ndjeshem ndaj antitrupave qe mund ta neutralizojne.
Mjeku ka bere kete postim te plote:
“Ndrysho mënyrën se si i sheh gjërat dhe gjërat që sheh do të ndryshojnë” Cit. Wayne W. Dyer
Lajme të mira miqtë e mi!
Të gjithë ne, pavarësisht nga profesioni dhe edukimi, kemi dëgjuar gjatë javëve të kaluara se virusi ka pësuar një mutacion të ri (forma G614), i cili e bën më të transmetueshëm atë. Që më datë 27 maj filluan raportimet për fenomenin e homoplazisë që po ndodhnin në këtë virus dhe që do të çonin drejt “zbutjes së tij” dhe “përshtatjes bartës-virus”.
Forma G614 ishte e qartë që transmetohet më gjerë dhe është përgjegjës për shumicën dërrmuese të rasteve në nivel botëror, por shumë u çoroditën nga vdekjet (e shprehura në shifra absolute) që po shtoheshin. Në fakt ky shtim ndodhi kryesisht nga dy faktorë: numri më i lartë i të infektuarve (në fakt numri relativ i vdekjeve ka rënë, OBSH tani deklaron se IFR = 0.6%) dhe nga heqja e masave shtypëse në shumicën e shteteve.
Por vetë virusi po shkakton më pak klinikë dhe humbje jete dhe kjo vërehet edhe nga ky studim elitar i publikuar pak ditë më parë. Studimi udhëhiqet nga Prof. Sandrasegaram Gnanakaran, ndoshta koka më e lartë e virologjisë strukturore dhe është kryer në laboratoret më të mira të virologjisë. (linku në fund të postimit)”
Dhe vazhdon me shpjegimet shkencore qe vete virologet i kuptojne por nuk harron nje Keshille dhe nje Urim: “Forca miqtë e mi, ju mbrohuni dhe ruhuni duke respektuar këshillat dhe masat!”