Kryetari i Bashkisë Z. Llatja së bashku me prefektin e qarkut Z. Maksim Malaj inspektuan funksionimin e tregut të fruta perimeve që nisi funksionimi i tij. Ky treg u mbyll një muaj më parë në kuadër të masave të marra kundër përhapjes së covid 19. Gjatë kësaj kohe bashkia punoi për krijimin e kushteve të higjienës për hapjen e tregut.
Kryetari i Bashkisë teksa verifikoi zbatimin e rregullave të reja në këtë treg bisedoi edhe me tregtarët. Z. Llatja kërkoi ndjesë për masat ekstreme të cilat shkaktuan pezullimin e punës për pak kohë, por e gjitha kjo, tha ai, është bërë për të ruajtur shëndetin e qytetarëve dhe vetë tregtarëve.
Por si funksionon tashmë ky treg?
Tregu funksionon me një hyrje dhe një dalje të ndara nga njëra-tjetra dhe me sinjalistikë të përcaktuar sipas drejtimit të lëvizjes.
Policia bashkiake nuk lejon hyrjen e klientëve pa maska dhe doreza. Më pas një aparaturë bën dezinfektimin e të gjithë trupit. Në brendësi janë të përcaktuara largësia e klientëve dhe largësia e tregtarëve nga njëri tjetri.
Çdo ditë pas mbylljes tregu do të dezinfektohet i gjithi.
Kryetari njoftoi gjithashtu edhe rihapjen e tregjeve në lagje, edhe këto në kushte sigurie.
![](https://i0.wp.com/www.elbasaniplus.com/wp-content/uploads/2020/04/93670647_3052433481466261_2930344366587248640_n.jpg?resize=618%2C412&ssl=1)
![](https://i0.wp.com/www.elbasaniplus.com/wp-content/uploads/2020/04/93674989_3052433208132955_4497177483031871488_n.jpg?resize=618%2C412&ssl=1)
![](https://i0.wp.com/www.elbasaniplus.com/wp-content/uploads/2020/04/93375832_3052433148132961_1741450140054454272_n.jpg?resize=618%2C412&ssl=1)
![](https://i0.wp.com/www.elbasaniplus.com/wp-content/uploads/2020/04/93811495_3052433068132969_1515386142747262976_n.jpg?resize=618%2C412&ssl=1)
![](https://i0.wp.com/www.elbasaniplus.com/wp-content/uploads/2020/04/94134354_3052432818132994_1280787658875863040_n.jpg?resize=618%2C412&ssl=1)